Türkmenabatda özbek harytlarynyň sergini guramaga taýýarlyk görülýär
Ertir ― 20-nji noýabrda Türkmenabat şäherinde Türkmenistanyň we Özbegistan Respublikasynyň ikinji sebitara forumy we Özbegistanda öndürilýän harytlaryň milli sergisi öz işine başlar. Sergi şäherdäki «Türkmeniň ak öýi» binalar toplumynda ýaýbaňlandyrylar.
Halkara forumyň we serginiň açylyş dabarasyna ir sagat 10:00-da badalga bermek meýilleşdirilýär. Oňa Türkmenistandan we Özbegistandan köp sanly myhmanlaryň gatnaşmagyna garaşylýar.
Milli sergi öz işini 21-nji noýabrda tamamlar.
