Türkmenabatda milli oýunlar boýunça ýaryş geçirildi

Türkmenabat şäherindäki 9-njy sport mekdebinde mangala we takylatdy boýunça welaýat derejesindäki ýetginjekleriň ýaryşy geçirildi. Ýaryşa 50-den gowrak türgen gatnaşdy. Takylatdy oýny boýunça şahsy görnüşde Saýat etrabynyň türgeni Oraz Hamraýew birinji, Türkmenabat şäheriniň türgenleri Amir Owezow ikinji, Umit Azadow üçünji orunlary eýelediler. Gyzlaryň arasynda Dilnaza Jumaniýazowa birinji, Selbi Matşaripowa ikinji, Aýnura Bazarbaýewa üçünji orunlara mynasyp boldular.
Mangala oýny boýunça ýaryşda Samir Awezow birinji, Oraz Hamraýew ikinji, Amir Owezow üçünji orunlary eýelediler. Gyzlaryň arasynda Aýna Şamsiýewa birinji, Gülbahar Serdarowa ikinji, Selbi Matşaripowa üçünji orunlary eýelediler.