Türkmenabatda Milli bahar baýramyna badalga berildi

Milli bahar baýramy mynasybetli Türkmenabat şäherindäki «Şanly» toý mekanynda baýramçylyk dabarasy geçirildi. Türkmenistanyň Demokratik partiýasynyň Çärjew etrap komiteti tarapyndan jemgyýetçilik guramalary bilen bilelikde guralan «Bagtyýarlyk döwrüniň zenanlary» atly bu çärede zenanlaryň jemgyýetdäki ornuna we ýaş nesli milli däp-dessurlara, maşgala mukaddesligine ygrarlylyk ruhunda terbiýelemekdäki hyzmatlaryna aýratyn üns berildi.
Baýramçylyk dabarasynyň dowamynda aýdym-sazly çykyşlar ýerine ýetirildi. Şeýle-de ýaş nesli milli ruhda terbiýelemekde we döredijilikli zähmeti bilen tapawutlanan gelin-gyzlara Türkmenistanyň Demokratik partiýasynyň adyndan baýramçylyk sowgatlary gowşuryldy.