Türkmenistanyň Kärdeşler arkalaşyklarynyň Lebap welaýat birleşmesiniň hem-de welaýat medeniýet müdirliginiň bilelikde guramaklarynda Türkmenabat şäher medeniýet öýünde meşhur aýdymçy, Türkmenistanyň Gahrymany Maýa Kulyýewanyň doglan gününiň 105 ýyllygy mynasybetli aýdym-sazly döredijilik duşuşygy geçirildi.
Oňa medeniýet we sungat işgärleri, dürli pudaklarda zähmet çekýän ildeşlerimiz, welaýat ýörite sungat mekdebiniň talyp ýaşlary we mugallymlary, kärdeşler arkalaşyklarynyň ilkinji
guramalarynyň işjeň agzalary hem-de meşhur aýdymçynyň ajaýyp aýdymlarynyň muşdaklary gatnaşdylar. Döredijilik duşuşygynda halypa aýdymçynyň döredijilik ýoly, halkymyzyň aýdym-saz sungatyny ösdürmekde bitiren işleri nygtaldy. Ýokary ruhubelentlige beslenen duşuşygyň dowamynda welaýatymyzyň sungat ussatlarynyň meşhur aýdymçynyň aýdan aýdymlaryny
ýerine ýetirmekleri bagtyýar zamanamyzda halypanyň döredijilik ýolunyň dowamat-dowamdygynyň subutnamasyna öwrüldi.
Türkmenabatda Maýa Kulyýewa bagyşlanan dabara geçirildi
03
May
