Türkmenabat şäher medeniýet öýünde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmeginiň 4 ýyllygy mynasybetli dabaraly maslahat geçirildi. Oňa il sylagly ýaşulular, Türkmenistanyň Mejlisiň deputatlary, saglygy goraýyş ulgamynyň wekilleri, kärdeşler arkalaşyklarynyň ilkinji guramalarynyň işjeň agzalary we talyplar gatnaşdylar.
Maslahatda çykyş edenler Gahryman Arkadagymyzyň başyny başlan döwletli işleriniň hormatly Prezidentimiz tarapyndan mynasyp dowam etdirilýändigini, şol sanda haýyr-sahawat gaznasynyň serişdeleriniň hasabyna ýurdumyzda köpsanly çagalara yzygiderli goldaw-kömekleriň berilýändigini uly buýsanç bilen nygtadylar.
Soňra maslahat welaýat çagalar sungat mekdebiniň okuwçylarynyň, aýdym-saz toparlarynyň çykyşlary bilen dowam etdi.
Türkmenabatda haýyr-sahawat gaznasy bilen bagly maslahatlar yzygiderli geçirilýär
03
Apr
