Türkmenabatda futzal ýaryşyna badalga berildi
24-nji noýabrda Türkmenabat şäherinde Halkara Bitaraplyk güni mynasybetli futzal boýunça şäheriň Kubogyny almak ugrundaky ýaryşa badalga berildi.
Ýaryşyň açylyş gününde «Bagtyýarlyk» futzal topary «Kerki» toparyny 11:8,
«Amul» «Faraby» 9:4, «Zara» «Jeýhuny» 11:2 we «Gurluşykçy»
topary «Köpetdagy» 8:4 hasabynda utmagy başardy.
Ýaryş 2024-nji ýylyň 24-nji noýabryndan 22-nji dekabry aralygynda Lebap
welaýatynyň Türkmenabat şäheriniň 1-nji sport mekdebiniň sport
zalynda geçirilýär.
Ýaryşda 10 topar 2 toparça bölünip özara güýç synanyşar. Toparlar bir aýlawyň dowamynda biri-biri bilen bir gezek duşuşýarlar. Düzgünnama laýyklykda, ýaryşda toparlaryň orunlary toplanan utuklara kesgitlenilýär.
Dört hepde dowam etjek ýaryşyň ýeňijilerine Lebap welaýatynyň bedenterbiýe we sport baradaky baş müdirligi tarapyndan Kubok hem-de sowgatlary bilen sylaglanar. Olara dabaraly ýagdaýda Hormat hatlary hem gowşurylar.
Ýaryşa gatnaşýan futzal toparlaryň sanawy:
1. «Bäş dogan» futzal topary,
2. «Köpetdag» futzal topary,
3. «Amul» futzal topary,
4. «Farap» futzal topary,
5. «Gurluşykçy» futzal topary,
6. «Amuderýa» futzal topary,
7. «Jeýhun» futzal topary,
8. «Bagtyýarlyk» futzal topary,
9. «Kerki» futzal topary,
10. «Zara» futzal topary.
