Türkmenabatda erkin göreş boýunça Türkmenistanyň çempionaty geçirildi

Türkmenabat şäherindäki 7-nji sport mekdebinde erkin göreş boýunça 17 ýaşa çenli ýetginjekleriň arasynda Türkmenistanyň çempionaty geçirildi. Ýaryşa jemi toparlaryň 8-sinden 210 türgen gatnaşdy.
Ýaş pälwanlaryň arasynda guralan çekeleşikli ýaryşlar ökdeleri öňe çykardy. Çempionatyň jemleri boýunça Ýaş olimpiýaçylary taýýarlaýyş mekdebiniň, Aşgabat şäheriniň hem-de Lebap welaýatynyň toparlary has-da tapawutlanyp, degişlilikde birinji, ikinji we üçünji orunlara mynasyp boldular. Şahsy we toparlaýyn görkezijileri boýunça ýeňijilere Hormat hatlary we medallar gowşuryldy.