Türkmenabatda diplomatiýa işgärleriniň güni mynasybetli maslahat geçirildi

Lebap welaýat häkimliginde Türkmenistanyň diplomatik işgärleriniň güni mynasybetli dabaraly maslahat geçirildi. Maslahata il sylagly ýaşulular, Türkmenistanyň Mejlisiniň deputatlary, welaýat, etrap we şäher halk maslahatynyň agzalary, edara-guramalaryň wekilleri, şeýle-de medeniýet we sungat işgärleri gatnaşdylar.
Maslahatda Türkmenistanyň daşary syýasatyndaky üstünliklere bagyşlanan çykyşlar diňlenildi. Şeýle-de hormatly Prezidentimiziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitabyndan bölekler okaldy. Çäre welaýatymyzyň medeniýet we sungat işgärleriniň aýdym-sazly çykyşlary bilen dowam etdi.