Türkmenabatda çeperçilik eserleriň bäsleşigi geçirildi
Lebap welaýat ýörite sungat mekdebinde mukaddes Garaşsyzlygyň 33 ýyllyk toýy mynasybetli “Berkarar döwletiň täze eýýamynyň Galkynyşy döwrüniň bagtyýar ýaşlary” atly çeperçilik eserleriniň bäsleşigi geçirildi.
Bäsleşik Türkmenistanyň Kärdeşler arkalaşyklarynyň welaýat birleşmesi bilen bilelikde guraldy.
Bäsleşikde eminler talyplaryň her bir ýumşy öz wagtynda we dürs ýerine ýetirişlerine üns berdiler. Şunlukda, bäsleşigiň heýkeltaraşlyk ugry boýunça Enejan Zakirowa birinji, Bibijan Emirkulyýewa ikinji, Akgül Hudaýnazarowa üçünji orunlara mynasyp boldular.
Nakgaşlyk ugry boýunça bolsa Gaýgysyz Orazowa, Adylhan Şeripowa we Aýna Rejepowa taý tapylmady.
Ýeňijilere Türkmenistanyň Kärdeşler arkalaşyklarynyň welaýat birleşmesi tarapyndan sowgatlar gowşuryldy.
