Türkmenabatda bag nahallaryny ýetişdirmegiň agrotehnikasyna bagyşlanan maslahat geçirildi
Türkmenistanyň Tebigaty goramak jemgyýetiniň welaýat bölüminde agaç
nahallaryny ýetişdirmegiň agrotehnikasyna bagyşlanan okuw maslahaty geçirildi. Maslahata jemgyýetiň hünärmenleri, bagbanlary we agza bolup
durýan tebigaty söýüjiler gatnaşdylar. Olar jemgyýetiň nahalhanasynda bag
ekmegiň agrotehnikasy barada tejribe alyşdylar.
Güýzki bag ekişlik çäreleriniň guramaçylykly geçirilmeginde jemgyýetiň
bagbanlarynyň goşýan goşantlary aýdyň duýulýar. Jemgyýetiň nahalhanasynda ýurdumyzyň toprak-howa şertlerine uýgunlaşan agaç nahallarynyň
(leýlisaçlaryň, tutlaryň, tallaryň, tuýalaryň we miweli daragtlaryň) we hoşboý
ysly gülleriň müňlerçe düýbi ýetişdirilip, güýzki bag ekişlik çäresiniň
öňüsyrasynda agza bolup durýan guramalara, kärhanalara, mekdeplere, saglyk
öýlerine, çagalar baglaryna paýlanylyp berildi.
