Türkmenabatda badminton boýunça Lebap welaýatynyň çempionaty geçirildi
Türkmenabat şäheriniň 6-njy sport mekdebinde badminton boýunça Lebap welaýatynyň çempionaty geçirildi. Baýrakly orunlar ugrunda Türkmenabat şäheriniň, Çärjew, Saýat etraplarynyň toparlary bäsleşdiler.
Çekeleşikli geçen ýaryş zehinli ýaşlary ýüze çykarmakda ähmiýetli boldy. Netijede «Türkmenabat – II» topary 1-nji orny eýeledi. «Çärjew – I» topary 2-nji, «Türkmenabat – I» topary 3-nji orunlara mynasyp boldular. Ýeňijilere Hormat hatlarydyr sowgatlar gowşuryldy.
