Türkmenabatda 113,7 million manatlyk nah ýüplük öndürildi
Türkmenabat pagta egriji fabriginde ýokary hilli nah ýüplükleriň öndürilişi ýylsaýyn artdyrylýar. Bu ýerde häzirki wagtda sarp edijileriň buýurmalary esasynda nah ýüplükleriň 20-lik, 27-lik, 34-lik belgili görnüşleriniň önümçiligi üstünlikli alnyp barylýar.
Fabrikde şu ýylyň geçen on aýynda 113 million 718 müň manatlyk önüm öndürilip, bu baradaky meýilnama 103,4 göterim berjaý edildi. Degişli döwürde ýokary hilli nah ýüplükleriň 5 müň 884 tonnasy öndürildi. Taýýar önümleriň 4 müň 519 tonnasy, pul hasabynda bolsa 92 million 190 müň manatlygy ýerlenildi.
Şonuň 24 million 378 müň manatlygy, ýagny, 1 müň 152 tonnasy daşary ýurtlara eksport edildi.
