Türkmenabat şäherine täze häkim bellenildi

Türkmenistanyň Prezidentiniň Permanyna laýyklykda, Lebap welaýatynyň Türkmenabat şäheriniň häkimi wezipesinde işgär çalşygy geçirildi. Döwlet Baştutanymyz Serdar Berdimuhamedow tarapyndan gol çekilen resminama laýyklykda, Guwanç Hemrakulyýewiç Bazarow Türkmenabat şäheriniň häkimi wezipesinden boşadyldy.
Şeýle hem Türkmenistanyň Prezidentiniň başga bir Permany bilen, Erkin Ýaňybaýewiç Açylow Lebap welaýatynyň Türkmenabat şäheriniň häkimi wezipesine bellenildi. Ol bu wezipä bellenmegi bilen bir wagtda, Lebap welaýatynyň Hojambaz etrabynyň häkimi wezipesinden hem boşadyldy.
Bu permanyň ýurdumyzda şäherleriň durmuş-ykdysady ösüşini üpjün etmek, dolandyryş ulgamynyň işini has-da kämilleşdirmek boýunça alnyp barylýan döwlet syýasatynyň möhüm tapgyrydygy nygtalýar.