Türkmenabat şäher häkimliginiň mejlisler zalynda maslahat geçirildi
Türkmenabat şäher häkimliginiň mejlisler zalynda Türkmenistanyň Zenanlar birleşiginiň welaýat bölüminiň maslahaty geçirildi.
Maslahata Zenanlar birleşiginiň etrap, şäher bölümleriniň ýolbaşçylary, kümüş saçly eneler, dürli ulgamlarda zähmet çekýän işjeň zenanlar gatnaşdylar. Onda şu ýylyň birinji ýarymynda zenanlar guramalary tarapyndan ýerine ýetirilen işlere garaldy.
Maslahatyň barşynda geljekde zenanlar guramalarynyň öňlerinde durýan derwaýys wezipeler hakda söz açylyp, edilmeli işleriň anyk ugurlary kesgitlenildi.
