Türkmenabat lukmançylyk orta okuw mekdebi dalaşgärleri okuwa çagyrýar
Türkmenabat lukmançylyk orta okuw mekdebinde 15-nji iýuldan başlap, okuwa girmek isleýän dalaşgärlerden resminamalar kabul edilip başlanar. Resminamalary kabul ediş möwsümi 28-nji iýulda tamamlanar.
Giriş synaglary 31-nji iýulda başlanyp, 6-njy awgustda tamamlanar.
Giriş synaglary ähli hünärler boýunça himiýa, biologiýa we Türkmenistanyň taryhy derslerinden geçiriler.
Mekdepde býujet esasynda şepagatçylyk işi, tölegli esasda bolsa bejeriş işi we şepagatçylyk işi hünärleriniň berilýändigini ýatladýarys. Mekdep Türkmenabat şäheriniň Atamyrat Nyýazow köçesiniň 207-nji jaýynda ýerleşýär. Telefon belgileri: 8 (422) 5-22-67; 5-24-93.
