Türkmenabadyň pamyk egriji fabriginde önüm öndürilişi artýar
Türkmenabadyň pamyk egriji fabriginde şu ýylyň geçen on aýynda 42 million 461 müň manatlyk önüm öndürilip, meýilnama 134,6 göterim berjaý edildi.
Şonda önümçiligiň ösüş depgini 115,8 göterime barabar boldy. Ýylyň başyndan bäri kärhanada öndürilen önümiň 41 million 100 müň manatdan gowragy sarp edijilere ugradyldy. Şol sanda nah ýüplügiň 18 million 265 müň manatlygy Russiýa Federasiýasy, Türkiýe, Gyrgyzystan ýaly ýurtlara eksport edildi.
