Türkmenabadyň iki mekdebiniň okuwçylarynyň arasynda çeper okaýyş bäsleşigi geçirildi
Türkmenistanyň Kärdeşler arkalaşyklarynyň welaýat birleşmesiniň guramagynda Türkmenabat şäherindäki 24-nji we ýöriteleşdirilen 39-njy orta mekdepleriň okuwçylarynyň arasynda «Berkarar döwletiň ylham joşguny» ady bilen çeper okaýyş boýunça bäsleşik geçirildi.
Bäsleşikde 24-nji orta mekdebiň okuwçysy Selbi Şirowa birinji, ýöriteleşdirilen
39-njy orta mekdebiň okuwçylary Ogulnabat Rozygulyýewa bilen Gülnar
Ýoldaşowa ikinji, 24-nji orta mekdebiň okuwçysy Enejan Halmyradowa bilen
ýöriteleşdirilen 39-njy orta mekdebiň okuwçysy Agageldi Çaryýew üçünji
orunlara mynasyp boldular.
Ýeňijilere Hormat hatlary we Türkmenistanyň Kärdeşler arkalaşyklarynyň
welaýat birleşmesiniň ýadygärlik sowgatlary gowşuryldy.
