Türkmen döwlet binagärlik we gurluşyk institutynyň talyplary Eziz Şirmedow we Eziz Egemberdiýew K.I.Saptaýew adyndaky Gazak milli tehniki barlag uniwersiteti we T.K.Basenow adyndaky binagärlik we gurluşyk instituty tarapyndan geçirilen respublikan talyp onlaýn-olimpiadasynda üstünlikli çykyş etdiler.
Eziz Şirmedow binagärlik we gurluşyk fakultetiniň dördünji kursunda «Gaz üpjünçiligi we wentilýasiýa» hünäri boýunça okaýar. Ol olimpiadanyň «Inžener ulgamlary we setleri» ugry boýunça ikinji orna mynasyp boldy. Ýol gurluşyk fakultetiniň «Awtomobil ýollarynyň we aerodromlaryň» gurluşygy hünäriniň üçünji kurs talyby Eziz Egemberdiýew «Gurluşyk materiallary» ugry boýunça üçünji orny eýeledi.
