Türkmen önüm öndürijileriniň önümleri daşary ýurtly alyjylaryň arasynda uly islegden peýdalanýar
Geçen hepdede Türkmenistanyň Döwlet haryt-çig mal biržasynyň söwdalarynda Birleşen Arap Emirlikleriniň, Özbegistanyň we Owganystanyň telekeçileri daşary ýurt puluna uçar kerosinini hem-de gidrousulda arassalanan dizel ýangyjyny satyn aldylar. Şonuň ýaly-da, Irlandiýanyň, Türkiýäniň, Azerbaýjanyň we Owganystanyň telekeçileri portland semendini, tekiz boýalan we žakkard tüýjümek önümleri, nah ýüplügi daşary ýurt puluna aldylar. Geleşikleriň jemi bahasy ABŞ-nyň 22 million 372 müň dollaryndan gowrak boldy.
Türkiýäniň we Gazagystanyň işewür toparlarynyň wekilleri manat serişdelerine umumy bahasy 2 million manatdan gowrak bolan nah ýüplügi satyn aldylar.
Türkmenistanyň işewürleri içerki bazar üçin jemi bahasy 49 million manada golaý bolan nebit bitumyny, şeýle hem el halylaryny satyn aldylar.