Türkmen estrada ýyldyzlary Moskwada konsert berdiler
Moskwanyň «Wegas-siti holl» konsert zalynda türkmen estradasynyň ýyldyzlarynyň konserti boldy.
Türkmenistanyň döredijilik toparlary Russiýa iki hyzmatdaş ýurduň arasynda medeni alyş-çalyşlaryň çäklerinde geldiler. Bu medeni çäräni guramaga Türkmenistanyň Russiýadaky Ilçihanasy hemmetaraplaýyn goldaw berdi.
Konsert zalynyň sahnasynda wokalçy Azat Dönmezow, üflenip çalynýan saz gurallarynyň wirtuozy, multiinstrumentalist Serdar Haýdarow, gündogaryň kakylyp çalynýan saz gurallaryna ussatlyk bilen erk edýän Atajan Eýubow we beýlekiler çykyş etdiler.
