«Türkmen altyn» kärhanasynda altyn we kümüş şaý-sepleri ýasalýar
Türkmenabat şäherindäki «Türkmen altyn» kärhanasynda şu ýylyň ýanwar-mart aýlarynda 2 million 936 müň 118 manatlyk altyn we kümüş önümleri ýasaldy. Bu bolsa geçen ýylyň degişli döwründäki görkezijiden 152 müň 604 manatlyk köpdür.
Bu ýerde zergärler altyndan we kümüşden şaý-sepleriň dürli görnüşleri, sowgatlyk önümlerini ýasaýarlar. Olar ýokary hilliligi we milli özboluşlylygy bilen tapawutlanýarlar. Önümler kärhananyň ýöriteleşdirilen dükanlarynda satylýar. Käbir şaý-sepler ýörite buýurmalaryň esasynda taýýarlanylýar.
