TKA-nyň welaýat birleşmesi «tegelek stoluň» başynda söhbetdeşlik geçirdi

Göz öňünde tutulan wezipeleri durmuşa geçirmekde Türkmenistanyň Kärdeşler Arkalaşyklarynyň welaýat birleşmesiniň agzybir işgärleri hem işjeňlik görkezýärler. Olaryň şu günlerde geçirýän duşuşyklarynyň we «tegelek stoluň» başyndaky söhbetdeşlikleriniň agramly bölegi şu wezipelere bagyşlanýar.
Ýakynda Türkmenabat şäherindäki Ruhyýet köşgünde geçirilen «tegelek stoluň» başyndaky söhbetdeşlikde Türkmenistanyň Halkara parahatçylyk we ynanyşmak ýylynyň dowamyndaky işleriniň we ileri tutýan ugurlarynyň Konsepsiýasynda göz öňünde tutulan wezipeler barada pikir alşdyldy. Oňa Türkmenistanyň Mejlisiniň deputatlary, Welaýat, etrap we şäher halk maslahatlarynyň agzalary, Türkmenistanyň Kärdeşler arkalaşyklarynyň welaýat birleşmesiniň wekilleri hem-de işjeň agzalary gatnaşdylar.