Terbiýeçiler bilen duşuşyklar geçirildi
Türkmenistanyň Kärdeşler arkalaşyklarynyň Köýtendag etrap birleşmesiniň, Türkmenistanyň Demokratik partiýasynyň etrap komitetiniň hem-de Türkmenistanyň Magtymguly adyndaky Ýaşlar guramasynyň etrap geňeşiniň bilelikde guramaklarynda etrabyň çagalar baglarynda wagyz-nesihat çäreleri geçirildi.
Harby we hukuk goraýjy edaralaryň wekilleriniň hem-de çagalar baglarynyň işgärleriniň gatnaşmaklarynda guralan çärede çykyş edenler ýol hereketiniň kadalaryny dogry berjaý etmek, esasan-da, sürüjileriň awtoulaglary ýokary tizlikde dolandyrmaklarynyň gadagandygy, el telefonynda gepleşilýän wagtynda ulaga erk etmeli däldigi hem-de awtoulagyň guratlygyny gözden geçirip durmalydygy barada giňişleýin söhbet etdiler.
Şarap KURBANOW,
Köýtendag etrap polisiýa bölüminiň polisiýanyň ýol gözegçiligi bölümçesiniň serkerdesi, polisiýanyň maýory.
