TDMI taryh we geografiýa derslerinden güýçli okuwçylary internet olimpiada gatnaşmaga çagyrýar

Seýitnazar Seýdi adyndaky Türkmen döwlet mugallymçylyk instituty ylymly-bilimli, giň dünýägaraýyşly, ýiti zehinli, ukyply we başarjaň ýaşlary ýüze çykarmagy, ýurdumyzda bilim bermekdäki milli standartlary dünýäniň öňdebaryjy tejribesi bilen utgaşdyrmagy hem-de okatmagyň hilini ýokarlandyrmagy maksat edinip, 2025-nji ýylyň 13-nji maýynda ýurdumyzyň umumybilim berýän orta mekdepleriniň 10-12-nji synp okuwçylarynyň arasynda taryh dersi boýunça, 9-10-njy synp okuwçylarynyň arasynda geografiýa dersi
boýunça internet olimpiadalaryny geçirýär.
Internet olimpiadanyň saýlama tapgyry 2025-nji ýylyň 2-nji maýyna çenli ýurdumyzyň welaýat, Aşgabat we Arkadag şäherleriniň Baş bilim müdirlikleriniň, şol sanda Türkmenistanyň Bilim ministrligine gönümel degişli bolan beýleki umumybilim berýän orta mekdepleriniň müdirleriniň gözegçiliginde geçiriler.
Olimpiada baradaky has doly maglumaty institutyň resmi saýtyndan alyp bilersiňiz.