Täze gümrükhananyň dolandyryş binasy döwrebap mümkinçilikleri hödürleýär

Şu gün ― 4-nji dekabrda açylyp, ulanylmaga berlen «Farap awtoýollary» gümrük nokadynyň dolandyryş binasy döwrebap mümkinçiliklere eýe boldy.
Bu binadaky gözegçilik-seljeriş otagynda gümrük nokadyna girýän we çykýan
awtoulag serişdelerine sanly ulgam arkaly gözegçilik etmäge, maglumatlary
dessine seljermäge ähli şertler döredilen. Häzirki zaman aragatnaşyk  ulgamynyň enjamlary ornaşdyrylan gözegçilik-seljeriş otagynda döwrebap monitorlar we beýleki sanly ulgamyň enjamlary, awtoulag serişdeleri we harytlar baradaky maglumatlary seljermäge we gümrük gözegçiligini ygtybarly amala aşyrmaga doly mümkinçilik berýär.
Şeýle-de dolandyryş binasynda kompýuter enjamlary, döwrebap mebelleri we
beýleki zerur bolan serişdeler bilen üpjün edilen birnäçe gulluk iş otaglary hem
ýerleşýär.
Mundan başga-da dolandyryş binasynda 60 orunlyk mejlisler zaly bolup, bu
ýerde ýygnaklary, duşuşyklary, okuw maslahatlaryny we beýleki dürli
köpçülikleýin çäreleriň geçirilmegi üçin ähli mümkinçilikler döredilen.