Täze binanyň öňünde baýramçylyk konserti geçirildi
Düýn, 27-nji sentýabrda öýlän Türkmenabat şäherindäki «Türkmeniň ak öýi» binasynyň öňündäki meýdançada Türkmenistanyň Garaşsyzlygynyň 33 ýyllygyna bagyşlanan baýramçylyk dabaralary geçirildi.
Bu ýerde aýdym-sazly çykyşlar ýaýbaňlandyryldy. Lebaply meşhur aýdymçy-sazandalaryň, bagşylaryň, tans we folklor toparlarynyň çykyşlarynda Garaşsyzlyk ýyllarynda amala aşyrylan beýik özgertmeler, il agzybirligi, dost-doganlyk gatnaşyklary belentden wasp edildi.
Bu ýerde amaly-haşam sungatynyň eserleriniň, gelin-gyzlarymyzyň el işleriniň sergisi ýaýbaňlandyryldy. Milli oýunlarymyz boýunça bäsleşikler guralyp, aýratyn tapawutlanan türgenlere baýraklar gowşuryldy.
