Tapawutlanan okuwçylara sowgatlar gowşuryldy
Türkmenistanyň Bilim ministrligi tarapyndan her ýyl geçirilýän «Altyn asyryň altyn zehinleri» atly ders bäsleşikleriniň etrap, şäher tapgyrlary Lebap welaýatynda hem uly ruhubelentlige beslenýär.
Däbe öwrülen bäsleşige 8-nji, 9-njy synp okuwçylarynyň ýüzlerçesi gatnaşdy. Bäsleşik orta mekdepleriň okuw maksatnamasyna girizilen dersleriň onusy boýunça geçirilýär.
Bäsleşige gatnaşan mekdep okuwçylary berlen ýumuşlary dürs we takyk ýerine ýetirip, bilim derejesiniň ýokarydygyny subut etdiler.
Netijede aýratyn tapawutlanan okuwçylar bäsleşigiň ýeňijileri diýlip yglan edildi.
Bu bäsleşikde baýrakly orunlary eýelän okuwçylara welaýat baş bilim müdirligi tarapyndan Diplomlar, gymmat bahaly sowgatlar gowşuryldy.
