Ajap eýýamymyzda nesil terbiýesini hormatly Prezidentimiz hemişe üns merkezinde saklaýar. Bu ulgamyň işini kämilleşdirmek bilen bagly giň möçberli işlere badalga berýär. Ylym-bilimiň uç-gyraksyz giňişligine tarap ilkinji ädimler başlangyç synplardan başlanýar.
Beýle diýildigi başlangyç synp mugallymlarynyň paýyna uly jogapkärçiligiň düşýändigini aňladýar. Sebäbi, başlangyç synplarda gowy bilim-terbiýe alan çagalaryň soňky ädimlerem şowly bolýar. Okuwçylar bilen geçýän her bir sapagymyň täsirliligi bilen özüne çekiji bolmagy meniň üçin esasy wezipe. Şunda çagalar geçilýän temalary tiz we düýpli özleşdirýärler. Gyzykly guralýan sapaga okuwçylaryň işjeň gatnaşmaklarynam gazanmak işiň netijesine tarap aýgytly ädimdir. Sapak wagtynda geçilýän tema boýunça berilýän gürrüňiň üstüniň okuw-görkezme esbaplarynyň görkezilmegi bilen ýetirilmegem oňyn täsirini ýetirýär. Onsoňam, başlangyç synp okuwçylary mugallymyň öwredýänlerini aýratyn ünslülik bilen diňleýärler. Ýene bir ýagdaýam ýatlamalydyrys. Nesil terbiýesinde mugallymyň ukyp-başarnygy, saýlan kärine yhlasy uly ähmiýete eýedir.
Gülsünaý ROZYÝEWA,
Farap etrabyndaky 3-nji orta mekdebiň başlangyç synp mugallymy.
