Gadymy däp-dessurlaryň häzirkizaman bilen birleşýän ýerinde diňe tebigatyň sesleri däl, eýsem asyrlaryň demini göterýän sazlar hem ýaňlanýar. Ýurdumyzyň çagalar sungat mekdeplerinde bolsa, ýaş nesle türkmen milli sazynyň baý mirasyny gorap saklamakda we ony tanyşdyrmakda uly tagallalar edilýär. Bularyň ählisi diňe saz gurallary däl, saz sungatyna söýgini ösdürmek we nesilleriň dowamlylygyny üpjün etmekdir. Türkmeniň milli sazy diňe notalaryň we ritmleriň ýygyndysyndan has köp zatdyr. Ol türkmen halkynyň taryhynyň, durmuşynyň, dünýägaraýşynyň we ruhy gymmatlyklarynyň şöhlelenmesidir. Ýurtda dymýan dutaryň janly sazlaryndan başlap, halk dabaralaryna ýoldaşlyk edýän otly ritmlere çenli her bir ses çuňňur many berýär. Bu çäksiz sähralar, ata-babalaryň batyrlygy we mukaddes topragyň söýgüsi barada gürrüň berýän sazdyr. Welaýat merkezinde ýerleşýän çagalar sungat mekdebinde mugallymlar bu saz hazynasynyň hakyky goragçylary bolup çykyş edýärler. Olar diňe bir dutar, gyjak we gopuz ýaly saz gurallary çalmagyň usulyny öwretmek bilen çäklenmän, eýsem okuwçylara türkmen sazynyň ruhyny we filosofiýasyny düşündirýärler. Biz çagalara hakyky gyzyklanmany oýarmaga we milli sazlarymyzyň gözelligini we çuňlugyny görkezmäge çalyşýarys. Çaga sazy duýup, onuň ýagdaýyny düşünip başlanda, olar bu beýik däbiň bir bölegine öwrülýärler. Mugallymlar okuwçylaryny bu däbiň geljekki göterijileri we dowam etdirijileri hökmünde görýärler. Biz köplenç ýaş nesliň tejribeli sazandalar bilen bilelikde çykyş edýän konsertlerini we çärelerini geçirýäris. Bu geçirilýän döredijilik çäreler ýaşlarda sungata bolan söýgüsini artdyrýar.
Sungat ojagynda ýaş höwesjeňler dutardan başga-da, milli saz gurallaryny özleşdirmäge mümkinçilik alýarlar, saz dünýägaraýyşlaryny giňeldýärler. Halypa mugallymlar çagalary beýik kompozitorlaryň we ýerine ýetirijileriň eserleri bilen ýakyndan tanyşdyrýarlar, olary sungat äleminde öňe gidişliklere iterýärler. Çagalaryň halk ansambllarynyň döredilmegi okuwçylara toparyň bir bölegi ýaly duýmaga, bilelikde çalmagy öwrenmäge we ansambl saz döretmek başarnyklaryny ösdürmäge mümkinçilik berýär.
Türkmenistanyň Milli Lideri ýaşlary döredijilik işlerine çekýän köp sanly medeni maksatnamalaryň we festiwallaryň başlangyjyny goýýar. Bu çäreler diňe bir saz zehinini ösdürmek bilen çäklenmän, eýsem ruhy gymmatlyklary, watançylygy we medeniýetara dialogy hem ösdürýär. Milli Lideriň, Arkadagly Gahryman Serdarymyzyň goldawy netijesinde däp bolan saz sungatyny ýaş nesiller arasynda täze durmuş we meşhurlyk gazanýar. Şeýlelik bilen, Gahryman Arkadagymyzyň, hormatly Prezidentimiziň bilelikdäki tagallalary ýetginjekleriň arasynda saz biliminiň we medeniýetiniň ösmegi üçin berk binýady döredýär. Olaryň syýasaty häzirki zaman dünýäsinde milli däp-dessurlary dowam etdirmäge we kämilleşdirmäge ukyply sazlaşykly ösen, medeni taýdan baý ýaşlary terbiýelemäge gönükdirilendir. Ýaşlara okamaga, öwrenmäge, sungat äleminde belentliklere ýetmäge uly tagallalary edýän Gahryman Arkadagymyza, Arkadagly Gahryman Serdarymyza tüýs ýürekden sagbolsun aýdýarys. Goý, Milli Liderimiziň, hormatly Prezidentimiziň janlary sag, belent başlary aman bolsun!
Nargiza JORAÝEWA,
Lebap welaýat çagalar sungat mekdebiniň mugallymy.
