Şu ýyl Lebabyň ykdysadyýetine 646,7 million manatlyk maýa gönükdirildi
Lebap welaýatynda şu ýylyň geçen döwründe ykdysadyýetiň döwlet eýeçiligine degişli böleginde esasy serişdelere gönükdirilen düýpli maýa goýumlary 646,7 million manada barabar boldy.
Olardan 211,3 million manady önümçilik maksatly desgalara gönükdirildi. Medeni-durmuş maksatly desgalarda özleşdirilen döwlet maýa goýumlarynyň möçberi 435,4 million manat boldy. Bu bolsa maýa goýumlarynyň umumy möçberiniň 67,3 göterimine barabardyr.
Şeýle-de gurluşyk-gurnama işlerine gönükdirilen maýa goýumlarynyň möçberi 2023-nji ýylyň degişli döwrüne görä 35,5 göterim artdy.
