Stoluň üstünde oýnalýan tennis boýunça Lebap welaýatynyň çempionaty geçirildi
Welaýat bedenterbiýe we sport baradaky baş müdirliginiň guramagynda Türkmenabat şäherindäki 6-njy sport mekdebinde stoluň üstünde oýnalýan tennis boýunça welaýatyň çempionaty geçirildi.
Ýaryşa ýetginjek oglan-gyzlardan düzülen toparlaryň 8-si gatnaşdy. Netijede oglanlaryň arasynda Dänew etrabynyň tennisçileri birinji, Türkmenabat şäheriniň tennisçileri ikinji, Saýat etrabynyň tennisçileri üçünji orunlary eýelediler. Gyzlaryň arasynda Türkmenabat şäheriniň tennisçileri birinji, Dänew, Köýtendag etraplarynyň türgenleri bolsa degişlilikde ikinji we üçünji orunlara mynasyp boldular.