Amorfofallus janly tebigatyň täsin ösümlikleriniň biridir. Oňa, esasan, Sumatra adalarynda we Indoneziýada duş gelmek mümkindir.
Ylmy dilde «Amorphophallus titanum» diýlip atlandyrylýan bu ösümligiň ýapraklarynyň uzynlygy 3 metre, äpet gülleriniň uzynlygy 1,9 metre, agramy bolsa 20 — 30 kilograma ýetýär. Ösümligiň güli owadan bolsa-da, onuň ýakymsyz ysy bardyr.
Muňa garamazdan, onuň miwesi milli tagamlary taýýarlamakda giňden ulanylýar. Amorfofallus Gyzyl kitaba girizilen ösümlikleriň seýrek duş gelýän görnüşleriniň biri bolup, kanun tarapyndan goralyp saklanylýar.
