Ylmy dilde «Caloenas nicobarica», ilat arasynda «emerald» diýlip atlandyrylýan kepderileriň bu görnüşine Indoneziýada, Filippinlerde, Täze Gwineýada we Solomon adalarynyň jeňňelliklerinde duş gelmek bolýar. Olar beýleki kepderilerden bedeniniň uludygy boýunça tapawutlanýar. Ýaşyl, gök reňkli perleri, gyzlymtyl aýaklary bu kepderilere aýratyn gözellik berýär. Olar, esasan, ýerde ýaşaýarlar, seýrek uçýarlar we däneler, ownuk oňurgasyzlar bilen iýmitlenýärler. Ornitologlar Tebigaty goramagyň halkara bileleşiginiň Gyzyl kitabyna girizilen bu kepderileriň sanyny köpeltmek, olary ylmy taýdan öwrenmek boýunça degişli işleri alyp barýarlar.
