Seýitnazar Seýdi adyndaky TDMI Gomel döwlet uniwersiteti bilen hyzmatdaşlygy ýola goýdy
Aşgabatda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara ylmy maslahatynyň we serginiň çäginde ylym we bilim ulgamynda Türkmenistan bilen birnäçe daşary ýurtlaryň – Rumyniýanyň, Koreýa Respublikasynyň, Belarus Respublikasynyň we Russiýa Federasiýasynyň arasynda ikitaraplaýyn resminamalara gol çekmek dabarasy boldy.
Dabaranyň çäklerinde Seýitnazar Seýdi adyndaky Türkmen döwlet mugallymçylyk institutynyň rektory Gurbangeldi Muhammedow we Belarus Respublikasynyň «Fransisk Skorina adyndaky Gomel döwlet uniwersiteti» bilim edarasynyň prorektory Dmitriý Kowalenko «Seýitnazar Seýdi adyndaky Türkmen döwlet mugallymçylyk instituty (Türkmenistan) bilen «Fransisk Skorina adyndaky Gomel döwlet uniwersiteti» bilim edarasynyň (Belarus Respublikasy) arasynda hyzmatdaşlyk etmek hakynda Ähtnama» gol çekildi.
