Seýitnazar Seýdi adyndaky TDMI dünýäniň iň abraýly ýokary okuw mekdepleriniň sanawyna habarçy agza hökmünde girizildi
Seýitnazar Seýdi adyndaky Türkmen döwlet mugallymçylyk instituty dünýäniň iň abraýly ýokary okuw mekdepleriniň sanawyna habarçy agza hökmünde girizildi. «The Times Higher Education World University Rankings 2025» diýlip atlandyrylýan sanaw ýakynda düzüldi.
Ýer ýüzüniň 150 döwletinden 2 müňden gowrak ýokary okuw mekdebini öz içine alýan sanawda 2025-nji ýyl üçin dünýäniň iň abýarýly ýokary okuw mekdepleri görkezilýär. Täzelenen sanawda Türkmenistanyň ýokary okuw mekdepleriniň 13-sine «Habarçy agza» derejesi berildi. Olaryň arasynda Seýitnazar Seýdi adyndaky Türkmen döwlet mugallymçylyk instituty hem bar.
Bu sanawyň Türkmenistan üçin örän möhümdigini nygtamak gerek. Çünki ýurtda diplomy ykrar edilýän daşary ýurt ýokary okuw mekdepleri şu sanawyň ilkinji 500 ornunda ýerleşýän ýokary okuw mekdepleridir. Türkmenabat şäherindäki baýry ýokary okuw mekdebiniň şeýle abraýly sanawa girizilmegi onuň halkara derejesindäki abraýynyň göterilýändigini görkezýär.
