Seýitjan Mirzaýew Eýranda geçirilen halkara ýaryşda üç sany altyn medal gazandy

Dänew etrabyndan tälimçi Seýitjan Mirzaýew agyr atletika boýunça Eýranda geçirilen Halkara Fajr kubogynda 3 sany altyn medala mynasyp boldy.
Seýitjan altynjy gezek geçirilýän bu halkara ýaryşda 60 kilograma çenli agram derejesinde ýaryşdy. Ol agyrlygy silterläp götermekde 124, itekläp götermekde 150, iki görnüşiň jemi boýunça 274 kilogramlyk sepgide ýetip, üç altyn medalyň eýesi boldy.
Şunda 31 ýaşly ildeşimiziň iň ýakyn bäsdeşi bolan şri-lankaly türgen Linagedara Lagasdan iki görnüşiň jemi boýunça 32 kilogram öňe saýlanandygyny aýratyn nygtamak gerek.
7 döwletden 40-a golaý türgeni özünde jemlän ýaryşda türkmenistanly agyr atletikaçylar 10 altyn, 1 kümüş hem-de 5 bürünç medal gazandylar.