Seýdili bagban erigiň 20 görnüşini ýetişdirýär
Dänew etrabynyň Isbaz geňeşliginiň Isbaz obasynyň ýaşaýjysy, tejribeli bagban Tursunbaý Ýusupow dört gektarda erigiň 20 görnüşini ýetişdirýär.
― Olar maý aýynda bişip ýetişýär. Olaryň käbirleri bolsa awgust-sentýabr aýlarynda hasyl berýär. Bu aýratynlygy ilaty datly miweler bilen ýylyň köp aýlarynda üpjün etmäge mümkinçilik berýär ― diýip, bagban welaýat gazetiniň habarçysyna gürrüň berdi.
Tursunbaýyň eýelik edýän 7 gektar meýdany eýeleýän bagynda erikden başga-da alma, şetdaly, ülje daragtlary hem bol hasyllanýar. Bagban bagynda ilkinji bolup erikleriň köpçülikleýin bişip ýetişendigini, indi olary ýygmak we ýerlemek işleri bilen meşgul bolýandygyny gürrüň berdi.
Bagban bol hasyl almak üçin bolsa arly ýylyň dowamynda ideg işlerini alyp barýar. Bu işlerde onuň daýhan hojalygyna 2013-nji ýylda ýeňillikli karzyň hasabyna «MTZ-80» kysymly kuwwatly traktor satyn alyndy.
