Saýatly okuwçy «Parahatçylygyň ýaş çaparlarynyň» ýeňijisi boldy

Saýat etrabyndaky 9-njy orta mekdebiň 11-nji synp okuwçysy Kakajan Şöhradow «Parahatçylygyň ýaş çaparlary» atly hünär ugurly taslamanyň V möwsüminiň finalynda birinji orna mynasyp boldy. Jemleýji tapgyr Türkmenistanyň Daşary işler ministrliginiň Halkara gatnaşyklary institutynda geçirildi.
Taslamanyň V möwsümi 2025-nji ýylda — Halkara parahatçylyk we ynanyşmak ýylynda «Garaşsyz we Bitarap Türkmenistan — parahatçylyk syýasatynyň hem-de özara ynanyşmak dialogynyň merkezi» atly şygar astynda badalga aldy. Möwsümiň dowamynda 7 saýlama, 2 ýarym final we final oýny geçirilip, finalyň netijesinde baş baýrak Aşgabat şäherindäki daşary ýurt dillerini çuňlaşdyryp öwredýän ýöriteleşdirilen 6-njy orta mekdebiň 11-nji synp okuwçysy Kerim Döwletowa berildi. Ýeňijilere diplomlar, medallar we gymmat bahaly sowgatlar gowşuryldy.