Saýatdaky usuly maslahat başlangyç bilimi kämilleşdirmäge bagyşlandy
Saýat etrabyndaky 62-nji orta mekdepde «Çaganyň ýaş aýratynlyklaryny nazara almak bilen başlangyç bilim derejesinden başlap, okuw-terbiýeçilik işinde başarjaňlyk çemeleşmesinden ugur almagyň iş tejribesinden» diýen mowzukda usuly-amaly maslahat geçirildi.
Oňa etrabyň orta mekdepleriniň tejribeli hünärmenleri gatnaşdylar. Olar maslahatda okuwçylaryň döredijilik, amaly başarnyklaryny we endiklerini ösdürmekde, zehinlerini ýüze çykarmakda, okamak başarnyklaryny ösdürmekde işjeň usullaryň peýdalanyşy boýunça çykyş etdiler. Bulardan başga-da maslahatda sanly bilim ulgamyny ösdürmekde öňde duran wezipeler dogrusyndaky çykyşlar diňlenildi. Şeýle-de maslahatda mugallymlar öz tejribelerini birek-birek bilen paýlaşdylar.
