Saýatda mekdebe çenli çagalar edaralarynda daşary ýurt dilini öwretmäge bagyşlanan maslahat geçirildi
Saýat etrabyndaky 16-njy çagalar bakja-bagynda welaýatymyzyň bilim işgärleriniň gatnaşmaklarynda «Mekdebe çenli çagalar edaralarynda çagalara daşary ýurt dillerini öwretmegiň öňdebaryjy iş usullary» atly usuly-amaly maslahat geçirildi.
Maslahatyň barşynda mekdebe çenli çagalar edaralarynda körpelere daşary ýurt dillerini öwretmegiň netijeli usullary ara alnyp maslahatlaşyldy. Şeýle-de hünärmenler çagalara daşary ýurt dilleriniň öwredilişini kämilleşdirmek, iňlis we rus dillerini okatmakda öwrediji oýunlardan peýdalanmak, sapaklary işjeň usulda guramagyň ähmiýeti ýaly birnäçe mowzuklarda çykyş etdiler.
Maslahata gatnaşyjylar dürli toparlarda geçirilen iňlis dili we rus dili sapaklaryna gatnaşyp, çagalaryň sözleýiş başarnyklaryny gözden geçirdiler.