Saýatda bugdaýdan 72 müň tonnadan geçirip hasyl almak meýilleşdirilýär
Saýat etrabynyň kärendeçileri şu günler bugdaýly meýdanlary mineral dökünler bilen
iýmitlendirmek, ak ekinlere ösüş suwuny tutmak, haşal otlaryň we zyýanly mör-möjekleriň
garşysyna göreşmek işlerini öz wagtynda we netijeli guraýarlar.
Bu işlerde etrabyň tehniki hyzmat ediş kärhanasynyň mehanizatorlary daýhanlara ýakyn ýardam
berýärler. Ýaş kärendeçiler hem tejribeli daýhanlaryň göreldesine eýerip, Watan harmanynyň
beýgelmegine, döwletimiziň ykdysady binýadynyň berkemegine mynasyp goşant goşýarlar.
Ýeri gelende aýtsak, etrabyň babadaýhanlary üstümizdäki ýylda bugdaý ekilen 27766 gektar
meýdandan 72858 tonna hasyl almagy meýilleşdirýärler.
