Täze okuw ýylynyň ilkinji gününde Saýat etrabynyň Alpan geňeşliginde açylyp, ulanylmaga berildi.
Mekdep okuwçylaryň 400-sine niýetlenildi. Bu mekdebiň gurluşygyny soňky ýyllarda gündogar sebitde döwrebap bilim ojaklarynyň birnäçesini guran «Ussat Tirkiş» hususy kärhanasynyň gurluşykçylary alyp bardylar.
Mekdebiň binasynda mejlisler zaly, synp otaglarynyň 22-si, okuw-tejribe otaglarynyň 3-si, okuw-zähmet synp otagy, mekdebiň ýolbaşçylygy we mugallymlar üçin iş otaglarynyň 6-sy, kitaphana, arhiw, beýleki zeruryýetçilik üçin binalar, 132 orunlyk naharhana, ýapyk sport zaly ýerleşýär.
Mekdebiň açylyş dabarasy uly toýa beslendi. Olarda çykyş edenler ýurtda ýaş nesle döwrebap derejede bilim bermäge, hünär öwretmäge döredilýän şertler üçin Gahryman Arkadaga we Arkadagly Gahryman Serdara hoşallyk bildirdiler.
