Jeyhun News

Информационно-аналитический портал

Saud Arabystany Patyşalygy TOPH gaz geçirijisini goldaýar

Sep 25, 2021

Saud Arabystany Patyşalygy Türkmenistan — Owganystan — Pakistan — Hindistan (TOPH) gaz geçirijisiniň gurluşyk taslamasyny goldaýar. Bu barada Patyşalygyň Ilçisi Said Osman Ahmed Suweýd Saud Arabystany Patyşalygynyň yglan edilen güni mynasybetli Aşgabatda «Neýtralnyý Turkmenistan» gazetinde çykyş edende mälim etdi, diýip «Türkmenistan. Altyn asyr» saýty ýazýar.

«Saud Arabystany Patyşalygy Türkmenistanyň ählumumy energetik durnuklylygy we energiýa gorlarynyň TOPH ýaly iri taslamalar arkaly dünýä bazarlaryna çykarylmakda köpdürliligiň möhümligi baradaky garaýyşlaryna şärikdir» diýip, diplomat belledi.

«Saud Arabystany Patyşalygy bu ugurda hyzmatdaşlyk edýär we bu taslamany goldaýar, çünki ol ykdysady we jemgyýetiň ösüşine ygtybarly täsir eder», diýip, Ilçi çykyşynda nygtady.

Umumy uzynlygy 1814 kilometr, ýyllyk kuwwaty 30 milliard kub metr bolan TOPH gaz geçirijisiniň gurluşygy 2015-nji ýylyň dekabrynda ýurdumyzda başlandy. Taslama Russiýa Federasiýasy, ABŞ we dünýäniň birnäçe beýleki döwletleri, şeýle hem halkara maliýe edaralary, şol sanda, Aziýa ösüş banky tarapyndan makullandy.

Adblock
detector