Sakarda çagalaryň arasynda surat bäsleşigi geçirildi

Saýat etrabynyň Sakar şäheriniň merkezi seýilgähinde Türkmenistanyň Magtymguly adyndaky Ýaşlar guramasynyň Saýat etrap Geňeşiniň gurnamagynda, Sakar şäher Çagalar sungat mekdebinde okaýan suratkeşleriniň arasynda «Zehinli ýaşlara buýsanç» ady bilen surat çekmek bäsleşigi geçirildi.
Bäsleşige gatnaşan suratkeşler öz surat eserlerinde bäsleşigiň düzgünnamasy esasynda Halkara parahatçylyk we ynanyşmak ýylyny, gözel tebigatymyzy, bagtyýar çagalygy wasp etdiler.
Netijede, birinji orna Sakar şäher Çagalar sungat mekdebiniň 1-nji synp okuwçysy Mekan Muhtarbaýew, ikinji orna 2-nji synp okuwçysy Gözel Yhlasowa, üçünji orna 1-nji synp okuwçysy Akmaral Welmyradowa dagylar mynasyp boldular. Ýeňijilere we gatnaşyjylara Türkmenistanyň Magtymguly adyndaky Ýaşlar guramasynyň Saýat etrap Geňeşi tarapyndan Hormat hatlary we höweslendiriji sowgatlary dabaraly ýagdaýda gowşuryldy.