Halkymyzyň saglygyny goramak we jemgyýetimizde sagdyn durmuş ýörelgelerini berkarar etmek Garaşsyz, hemişelik Bitarap Türkmenistanyň döwlet syýasatynyň ileri tutulýan ugurlarynyň biridir. Häzirki wagtda ýürek-damar ulgamynyň giňden ýaýran keselleriniň biri bolan arterial gipertoniýa, ýagny gan basymyň ýokarlanmagy lukmançylygyň iň wajyp meseleleriniň biri bolup galýar. Bu kesel köp halatlarda nägilelik döretmän, gizlin geçip bilýändigi üçin oňa «görünmeýän howp» hem diýilýär. Wagtynda öňü alynmadyk gipertoniýa ýürege, beýnä we böwreklere uly agram salyp, has agyr gaýtalanmalara getirmek wezipesini döredip bilýär.
Gipertoniýa keseline garşy göreşmekde we onuň öňüni almakda ilkinji nobatda sagdyn durmuş ýörelgesine eýermek zerurdyr. Lukman hökmünde näsaglara duzuň sarp edilişini azaltmagy, ýagly we gowurylan tagamlardan gaça durmagy, gök-önümleri köpüräk iýmegi hem-de iň bärkisi günde 30 minut pyýada ýöremegi maslahat berýärin. Çilim çekmek we alkogol içgileri ýaly zyýanly endiklerden daşda durmak hem-de gan basymyny yzygiderli ölçäp durmak saglygy goramagyň esasy şertidir. Welaýatymyzyň iç keselleri hassahanasynda biziň üçin döredilen döwrebap şertler näsaglara ýokary hilli anyklaýyş we bejergi kömegini bermäge doly mümkinçilik berýär. Halkymyzyň saglygy ugrunda yzygiderli alada edýän Gahryman Arkadagymyzyň we hormatly Prezidentimiziň janlary sag bolsun!
Azat ROZMETOW,
Lebap welaýat iç keselleri hassahanasynyň lukmany.
