Kuraş boýunça dünýä çempiony, Türkmenabat şäherindäki 29-njy orta mekdebiň mugallymy Akgül Öwezowa welaýat neşirinde ýazan makalasynda çempionyň okaýan synpynda sport ruhunyň höküm sürýändigini, Sabina Kadyrowanyň göreldesine eýerip, bu synpda başga-da sport bilen meşgullanýan okuwçylaryň bardygyny ýazdy.
Sabina Kadyrowa bu mekdebiň 11-nji synpynda okaýar. Dünýä çempionynyň synp ýolbaşçysynyň makalasynda ýaşlygynda sport bilen meşgullanyp başlan türgeniň sporty göreldeli okamak bilen utgaşdyrandygyny aýratyn nygtaýar.
«Meniň ýolbaşçylyk edýän synpymda sport bilen meşgullanýanlar Sabinadan başga-da az däl. Olaryň arasynda Daýanç Joraýew, Maksat Hoçjyýew, Mekan Hojamyradow, Alijan Eminjanow dagy aýratyn tapawutlanýarlar» diýip, mugallym makalasynda ýazýar.
