Rus dili boýunça lebaply okuwçylar döwlet tapgyrynda üstünlik gazandy

Türkmenistanyň orta mekdepleriniň arasynda geçirilen «Altyn asyryň altyn zehinleri» ders bäsleşiginiň döwlet tapgyrynda rus dili boýunça lebaply okuwçylar üstünlik gazandy.
11-nji synp boýunça Farap etrabynyň daşary ýurt diline ýöriteleşdirilen 2-nji orta mekdebiniň okuwçysy Sahiýa Aliýewa we Döwletli etrabynyň 23-nji orta mekdebiniň okuwçysy Sabina Dawletowa döwlet tapgyrynda ikinji orunlary eýelediler. Şeýle hem Farap etrabynyň 10-njy orta mekdebiniň okuwçysy Dünýägözel Babajanowa, Türkmenabat şäheriniň 28-nji ýöriteleşdirilen orta mekdebiniň okuwçysy Sona Ýagşyýewa, Türkmenabat şäheriniň 21-nji ýöriteleşdirilen orta mekdebiniň okuwçysy Waleriýa Barinowa hem-de Dänew etrabynyň 18-nji orta mekdebiniň okuwçysy Seýitjan Babanazarow döwlet tapgyrynda üçünji orunlary gazandylar. 12-nji synp boýunça Türkmenabat şäheriniň 30-njy ýöriteleşdirilen orta mekdebiniň okuwçysy Şukur Gotdaýew döwlet tapgyrynda birinji orny, Döwletli etrabynyň 9-njy orta mekdebiniň okuwçysy Şeker Esedowa hem-de Çärjew etrabynyň 31-nji ýöriteleşdirilen orta mekdebiniň okuwçysy Merjen Umarowa döwlet tapgyrynda ikinji orunlary eýelediler.