Ronaldu üç syryny açdy
“An-Nasr” we Portugaliýanyň milli ýygyndysynyň hüjümçisi Kristiano Ronaldo üznüksiz oýnamak üçin üç zada üns bermelidigini aýtdy. Ol bu barada: «Gowy uky, yzygiderli zähmet we doly dikelişdir» diýdi.
Ronaldu yzly-yzyna 23 möwsümden bäri gol salýar. Kriştiano dünýä futbolynyň taryhynda iň köp pökgi geçiren futbolçy hasaplanýar.
Klublar derejesinde “Sporting”, “Mançester Ýunaýted”, “Real”, “Ýuwentus” we “An-Nasr” oýunlarynyň 1014 duşuşygynda gatnaşyp, 760 golyň we 239 assistiň eýesi boldy.
Şeýle hem Portugaliýanyň milli ýygyndysy üçin 212 oýunda garşydaşynyň derwezesine 130 pökgini geçirdi. Her iki görkeziji hem dünýä rekordy hasaplanýar.
