12 ýaşly Alekseý Maýorow “Real Madrid” akademiýasy bilen şertnama baglaşdy. Bu barada toparyň metbugat gullugy habar berdi.
Belarus futbolçysy karýerasyny madridlileriň U-13 toparynda dowam etdirer. “Patyşalyk kluby” bu futbolçy üçin “Serdanoli” toparyna 120 müň ýewro töledi we bu ýaşdaky futbolçy üçin sarp edilen mukdar boýunça rekord goýdy.
Alekseýe “Realdan” başga-da, “Barselona” we Ýewropanyň beýleki ýokary derejeli klublary hem gyzyklanma bildirýär. Şeýle-de bolsa, futbolçynyň özi Madride göçmek kararyna geldi.
