Pogbanyň futbola gaýdyp geljek wagty belli boldy
Sport Arbitraž Kazyýeti (CAS) fransuz ýarymgoragçysy Pol Pogbanyň doping garşy düzgünleri bozandygy üçin jezasyny dört ýyldan 18 aýa çenli azaldyldy diýip, “Daily Mail” habar berýär. Şol sebäpli ýarymgoragçynyň «Ýuwentus» bilen 2025-nji ýylyň ýanwarynda türgenleşip biljekdigi we mart aýynda resmi oýunlara gatnaşmagyna rugsat beriljekdigi öňe sürülýär. Geçen ýyl Pogbanyň doping synagynyň testosteron üçin oňyn bolandygy mälim boldy. Soňra “B” nusgasy barlandy we ol hem şol bir netije berdi.
Şeýlelikde, fewral aýynda Pogba dört ýyl futbol oýnamak gadagan edildi. Pogba 31 ýaşynda, Fransiýanyň milli ýygyndysy bilen dünýä çempiony we Milletler ligasynyň ýeňijisi. «Ýuwentusyň» agzasy hökmünde Italiýanyň dört gezek çempiony boldy we «Mançester Ýunaýted» bilen bilelikde Ýewropa ligasynda ýeňiji boldy. Oýunçynyň «Ýuwentus» bilen häzirki iş şertnamasy 2026-njy ýylyň iýun aýynyň ahyryna çenli dowam edýär.
